‘گیم آف تھرونز’ کے "دی ماؤنٹین” نے 510 کلو وزن اٹھا کر نیا عالمی ریکارڈ قائم کر دیا
مشہور ڈرامہ سلسلہ گیم آف تھرونز میں ’’پہاڑ‘‘ کا کردار ادا کرنے والے ہافثور بیورنسن نے اپنی بے پناہ طاقت کا مظاہرہ کرتے ہوئے نیا عالمی ریکارڈ قائم کیا۔ آئس لینڈ کے اس پہلوان نے برمنگھم میں ہونے والے ’’طاقت کے مقابلہ 2025‘‘ میں 510 کلو وزن اٹھا کر سب کو حیران کر دیا۔
یہ وزن اٹھا کر انہوں نے اپنا ہی پرانا ریکارڈ توڑا جو 505 کلوگرام کا تھا۔ دلچسپ بات یہ ہے کہ یہ کارنامہ انجام دیتے ہوئے بیورنسن بالکل پرسکون نظر آئے، جس پر شائقین نے سوال اٹھایا کہ کیا وہ مزید بھاری وزن بھی اٹھا سکتے ہیں؟
بیورنسن نے بعد میں اپنے یوٹیوب چینل پر وضاحت کی کہ یہ ان کی زیادہ سے زیادہ طاقت نہیں تھی بلکہ سوچ سمجھ کر منتخب کیا گیا وزن تھا تاکہ وہ مقابلے میں برتری حاصل کر سکیں۔ ان کے مطابق: "میں اس سے زیادہ وزن نہیں اٹھاؤں گا کیونکہ باقی ایونٹس میں بھی حصہ لینا ہے۔ اصل مقصد سمجھداری ہے۔”
مقابلے کے دن ان کا ناشتہ بھی خاص تھا جس میں آلو، انڈے، چاول، دہی، دلیہ، بلیو بیریز اور اورنج جوس شامل تھے۔ ان کے بقول: "میں مقابلے کے دن کبھی خوراک نہیں بدلتا، ایک ہی منصوبہ رکھتا ہوں تاکہ جسم اور ذہن دونوں مطمئن رہیں۔”
