سورج کے گرد گھومنے والا ننھا "بیبی مون” دریافت، ماہرین حیران
ماہرینِ فلکیات نے ایک نئی حیرت انگیز دریافت کی ہے۔ سائنسدانوں کے مطابق سورج کے گرد گھومنے والا ایک ننھا "بیبی مون” زمین کے قریب پایا گیا ہے۔ دراصل یہ چاند کوئی اصلی چاند نہیں بلکہ ایک چھوٹا سا شہابی پتھر (ایسٹیرائیڈ) ہے جسے "2025 پی این 7” کا نام دیا گیا ہے۔
یہ خلائی پتھر بالکل زمین کی طرح ایک سال میں سورج کے گرد چکر مکمل کرتا ہے۔ ماہرین اسے "کوازی مون” کے نام سے موسوم کرتے ہیں۔ یہ وہ خلائی اجسام ہیں جو سورج کے گرد گھومتے ہوئے زمین کے قریب رہتے ہیں۔ یہ عارضی منی مونز سے مختلف ہوتے ہیں جو صرف کچھ عرصے کے لیے زمین کے گرد گھومتے ہیں۔ مثال کے طور پر "2024 پی ٹی 5” نامی منی مون صرف دو ماہ تک زمین کے گرد رہا اور پھر اپنی ککش سے نکل گیا۔
تحقیق کے مطابق یہ بیبی مون جب زمین کے قریب آتا ہے تو اس کا فاصلہ تقریباً تین لاکھ کلومیٹر ہوتا ہے، اور توقع ہے کہ یہ آئندہ ساٹھ برس تک زمین کے قریب موجود رہے گا۔
