وجیاپورہ ایس بی آئی ڈکیتی: پولیس نے 136 سونے کے پیکٹس اور نقدی برآمد
وجیاپورہ پولیس نے ایس بی آئی بینک ڈکیتی کیس میں اہم پیش رفت کرتے ہوئے قیمتی مال مسروقہ کا بڑا حصہ برآمد کر لیا ہے۔ ایس پی لکشمن نمبارگی نے تصدیق کی کہ پولیس نے 136 سونے کے پیکٹس (وزن تقریباً 6.54 کلو) اور 1 لاکھ 3 ہزار روپے نقدی برآمد کیے ہیں۔
یہ واقعہ 16 ستمبر 2025 کو پیش آیا تھا، جب تین مسلح افراد نے چڈاچن شاخ ایس بی آئی بینک پر حملہ کر کے عملے اور گاہکوں کو یرغمال بنایا اور فرار ہوتے ہوئے تقریباً 1 کروڑ 4 لاکھ روپے نقدی اور 20 کلو سونا لوٹ لیا۔ اس واقعے کے بعد پولیس نے ملزمان کی تلاش کے لیے آٹھ خصوصی ٹیمیں تشکیل دی تھیں۔
ایس پی نے مزید بتایا کہ اس سراغ کے بعد پولیس نے سولاپور پولیس کی مدد سے علاقے میں بڑے پیمانے پر سرچ آپریشن کیا اور گاؤں میں ناکہ بندی نافذ کر کے ملزمان کی فرار کی کوشش ناکام بنائی۔ پولیس کو امید ہے کہ باقی مال اور تمام ملزمان کو جلد ہی گرفتار کر لیا جائے گا۔
