وعدے وفا: ٹرمپ نے ’بگ بیوٹیفل بل‘ پر دستخط کر دیے، جشنِ آزادی پر بڑا اعلان
یومِ آزادی پر صدر ڈونلڈ ٹرمپ نے وائٹ ہاؤس میں “بگ بیوٹیفل بل” پر دستخط کر دیے، جسے اُن کی دوسری مدتِ صدارت کا سب سے بڑا اور متنازعہ قانون قرار دیا جا رہا ہے۔ اس بل کے ذریعے بڑے پیمانے پر ٹیکس میں چھوٹ، فلاحی پروگراموں میں کٹوتی، اور امیگریشن قوانین میں سختی لائی گئی ہے۔
تقریب میں ریپبلکن رہنما، کابینہ کے ارکان اور شہریوں کی بڑی تعداد موجود تھی۔ طیاروں کی پرواز اور آتش بازی سے جشن منایا گیا۔ ٹرمپ نے اعلان کیا: "وعدے کیے، وعدے نبھائے”۔
بل کی نمایاں شقیں:
- ٹیکس میں چھوٹ کو مستقل بنایا گیا
- سوشل سیکیورٹی اور ٹپس پر ٹیکس ختم
- میڈیکیڈ اور فوڈ اسٹیمپ میں 1.2 کھرب ڈالر کی کٹوتی
- امیگریشن قوانین میں سختی
- صحت اور ماحولیاتی پالیسیوں میں بڑی تبدیلیاں
صدر ٹرمپ نے اسے امریکی معیشت کے لیے "راکٹ بوسٹ” قرار دیا۔ تاہم ناقدین نے اس پر شدید تنقید کی ہے۔
تنقید اور مخالفت:
ڈیموکریٹس نے بل کو "امیر طبقے کے لیے تحفہ” قرار دیا۔ لیبر یونینز کا کہنا ہے کہ لاکھوں لوگ صحت کی سہولیات سے محروم ہو جائیں گے۔
کانگریس میں ایک بھی ڈیموکریٹ نے بل کی حمایت نہیں کی۔ دو ریپبلکن ارکان نے بھی اختلاف کیا، جن میں سے ایک اب ٹرمپ کے غصے کا نشانہ بنے ہوئے ہیں۔
عوامی ردِ عمل:
ایک حالیہ سروے کے مطابق:
- ٹپس پر ٹیکس ختم کرنے کی حمایت
- بچوں کے لیے ٹیکس کریڈٹ میں اضافے کی حمایت
- خوراک امداد میں کٹوتی کی مخالفت
- 3 کھرب ڈالر کے اضافی قرض کو ناقابلِ قبول قرار دیا گیا
انتخابی اثرات:
بل آئندہ انتخابات میں اہم مسئلہ بن سکتا ہے۔ ڈیموکریٹس نے احتجاج، ریلیوں اور آگاہی مہمات کا اعلان کیا ہے۔
