پاکستان نے امریکی صدر ٹرمپ کو معدنیات سے متاثر کیا، واشنگٹن میں نایاب خزانے کی نمائش
واشنگٹن: پاکستان نے ایک نئی سفارتی حکمت عملی کے ذریعے امریکی صدر ڈونلڈ ٹرمپ کو متاثر کرنے کی کوشش کی ہے۔ گزشتہ ہفتے، آرمی چیف عاصم منیر نے ایک خوبصورت لکڑی کے ڈبے میں رکھے ہوئے نایاب معدنیات پیش کیے، جنہیں دیکھ کر ٹرمپ خاصے محو ہو گئے۔ اس موقع پر وزیراعظم شہباز شریف بھی مسکراتے ہوئے موجود تھے۔
پاکستانی فوج کے تحت فرنٹیئر ورکس آرگنائزیشن نے حال ہی میں امریکی کمپنی اسٹریٹیجک میٹلز کے ساتھ معاہدہ کیا ہے تاکہ ملک میں ریفائنری قائم کی جا سکے۔ اس معاہدے کے ذریعے سونا، تانبا، سٹبنی، ٹنگسٹن اور ریئر ارتھ منرلز جیسے وسائل امریکہ کو برآمد کیے جائیں گے۔
دوسری جانب، امریکہ نے اس معاہدے کو مثبت پیش رفت قرار دیتے ہوئے دونوں ممالک کے درمیان تعلقات کو مزید مضبوط بنانے پر زور دیا ہے۔ پاکستان نے اس موقع پر کہا کہ عالمی سرمایہ کاری ملک کی معاشی مشکلات کو کم کرنے اور بلوچستان جیسے معدنیاتی علاقوں میں ترقیاتی منصوبوں کو آگے بڑھانے میں مددگار ثابت ہوگی۔
