آپریشن سندور بھارت کی دفاعی طاقت کا دھماکیدار آغاز صدر مرمو کا ولولہ انگیز یومِ آزادی خطاب
بھارت کی 79 ویں یوم آزادی کی شام قوم سے خطاب میں صدر جمہوریہ دروپدی مرمو نے ملک کی ترقی، دہشت گردی کے خلاف عزم اور ماحولیاتی تحفظ کی ضرورت پر روشنی ڈالی۔
صدر مرمو نے پاہلگام دہشت گرد حملے کو بزدلانہ اور غیر انسانی قرار دیتے ہوئے کہا کہ ملک نے اس کا بھرپور جواب آپریشن سندور کے ذریعے دیا، جو بھارت کی دفاعی تاریخ میں ایک سنگ میل کی حیثیت رکھتا ہے۔ اس آپریشن میں مسلح افواج نے حکمت عملی اور جدید ٹیکنالوجی کے ذریعے سرحد پار دہشت گرد ٹھکانوں کو تباہ کیا۔
انہوں نے کہا کہ اس آپریشن نے دنیا کو یہ پیغام دیا کہ بھارت کبھی جارح نہیں ہوگا، لیکن اپنے شہریوں کے تحفظ کے لیے کسی بھی حد تک جا سکتا ہے۔ صدر مرمو نے اسے آتم نربھر بھارت مشن کا ایک عملی نمونہ قرار دیا، کیونکہ اس میں ملکی دفاعی پیداوار اور خود کفالت نمایاں رہی۔
ماحولیاتی تبدیلی پر زور دیتے ہوئے صدر مرمو نے کہا کہ ہمیں اپنی عادات بدلنی ہوں گی اور زمین، دریا، پہاڑ اور جانداروں کے ساتھ اپنے تعلق کو ازسر نو متعین کرنا ہوگا تاکہ آئندہ نسلوں کے لیے ایک متوازن اور خوشحال سیارہ چھوڑا جا سکے۔
