"بھارتی سائنسدانوں کو عالمی فزکس ایوارڈ میں بڑی کامیابی”
بھارتی سائنسدانوں کی برسوں کی خاموش محنت آخرکار رنگ لے آئی۔ عالمی سطح پر تسلیم شدہ تجرباتی منصوبے سی ای آر این کے چار بڑے تجربات اے ٹی ایل اے ایس، سی ایم ایس، ایلس اور ایل ایچ سی بی کو 2025 کا فنڈامینٹل فزکس کا بریک تھرو ایوارڈ دیا گیا۔ اس تجربے میں بھارتی سائنسدانوں کا اہم کردار رہا، خاص طور پر سی ایم ایس اور ایلس تجربات میں۔
یہ ایوارڈ تین ملین ڈالر کی رقم پر مشتمل ہے جو پی ایچ ڈی طلباء کے لیے اسکالرشپ پر خرچ ہوگی۔ منتخب طلباء کو سی ای آر این میں تربیت دی جائے گی تاکہ وہ عالمی سطح پر ریسرچ کا تجربہ حاصل کریں۔
بھارت نے فوٹون ملٹی پلِسٹی ڈیٹیکٹر اور میون اسپیکٹرو میٹر جیسے اعلیٰ ٹیکنالوجی آلات کی تیاری میں حصہ لیا، جنہوں نے کوارک-گلوآن پلازما اور ذرات کے رویوں کے مشاہدے میں مدد دی۔ سی ایم ایس منصوبے میں بھارتی سائنسدانوں نے ٹرگر، ڈیٹا اکوزیشن، ریسیسٹیو پلیٹ چیمبرز اور ہیڈرون آوٹر کیلوری میٹر پر کام کیا۔
بھارتی کمپیوٹر سینٹرز نے بھی اہم کردار ادا کیا۔ ٹی آئی ایف آر ممبئی اور وی ای سی سی کولکتہ نے لاکھوں ریسرچ ڈیٹا پروسیس کیے۔ بھارت کا سی ای آر این سے تعاون 1960 کی دہائی سے جاری ہے اور 2017 میں بھارت سی ای آر این کا ایسوسی ایٹ ممبر بھی بنا۔
بھارتی ادارے مستقبل کی اپ گریڈز میں بھی مصروف ہیں، جیسے فوکل ڈیٹیکٹرز اور سی ایم ایس فیز 2 اپگریڈ، جو فزکس کی نئی دنیا کی کھوج کے لیے اہم ہیں۔
ڈاکٹر اے کے موہنتی اور پروفیسر ابھیے کرنڈیکر نے اس کامیابی پر فخر کا اظہار کیا اور بھارتی محققین کی عالمی سائنسی میدان میں شمولیت کو سراہا۔
