یوٹا کا صدمہ: چارلی کرک اسٹیج پر فائرنگ سے ہلاک، آخری جملہ گن وائلنس پر

امریکا کے معروف دائیں بازو کے سیاسی کارکن اور تنظیم ٹرننگ پوائنٹ یو ایس اے کے بانی چارلی کرک یوٹا میں فائرنگ کے ایک واقعے میں ہلاک ہو گئے۔ امریکی صدر ڈونلڈ ٹرمپ نے بدھ کو ان کی موت کی تصدیق کی۔ چارلی کرک کی عمر 31 سال تھی۔

یہ واقعہ یوٹا ویلی یونیورسٹی، اوریم میں ایک کیمپس ایونٹ کے دوران پیش آیا، جہاں کرک سامعین کے سوالات کے جواب دے رہے تھے۔ عینی شاہدین کے مطابق فائرنگ سے چند لمحے قبل وہ امریکا میں بڑھتی ہوئی فائرنگ اور ماس شوٹنگز کے حوالے سے بات کر رہے تھے۔

ایک طالب علم نے ان سے سوال کیا کہ گزشتہ 10 برسوں میں کتنے ٹرانس جینڈر امریکی ماس شوٹرز رہے ہیں۔ اس پر کرک نے جواب دیا: "بہت زیادہ۔” طالب علم نے وضاحت کی کہ یہ تعداد پانچ ہے، اور پھر پوچھا کہ مجموعی طور پر امریکا میں کتنے ماس شوٹنگ واقعات ہوئے ہیں۔

کرک نے سوال کیا: "گیانگ وائلنس کو شمار کر کے یا بغیر شمار کیے؟” اتنے میں اچانک گولی چلنے کی آواز آئی اور وہ اسٹیج پر گر پڑے۔ ویڈیوز کے مطابق گولی ان کی گردن پر لگی اور وہ موقع پر ہی شدید زخمی ہو گئے۔

اس واقعے کی ویڈیو سوشل میڈیا پر تیزی سے وائرل ہو رہی ہے جس نے امریکا میں گن وائلنس کے مسئلے کو ایک بار پھر بحث کے مرکز میں لا کھڑا کیا ہے۔