مودی کا بڑا قدم ‘میڈ اِن انڈیا’ اے-وترا بیٹری گاڑی کی شروعات
وزیرِاعظم نریندر مودی نے آج گجرات کے ہنسل پور میں تیار کی گئی ملک کی پہلی بیٹری برقی گاڑی ای-ویٹارا کو روانہ کیا۔ یہ گاڑیاں بھارت میں بنائی جائیں گی اور یورپ، جاپان سمیت 100 سے زائد ملکوں میں برآمد کی جائیں گی۔
مودی نے اپنے دو روزہ گجرات کے دورے کے دوران سوزوکی موٹر کے ہنسل پور پلانٹ میں منعقدہ نمائش کا بھی معائنہ کیا۔ اس موقع پر انہوں نے ہائبرڈ بیٹری الیکٹروڈز کے مقامی پیداوار کے منصوبے کا آغاز کیا جو کہ بھارت کے بیٹری ایکو سسٹم کے نئے مرحلے کی شروعات ہے۔ یہ پلانٹ ٹوشیبا، ڈینسو اور سوزوکی کے اشتراک سے بنایا گیا ہے، جس کے ذریعے 80 فیصد سے زائد بیٹری اجزاء اب بھارت میں ہی تیار ہوں گے۔
وزیرِاعظم نے کہا کہ آج کا دن بھارت کی خود انحصاری اور گرین موبلٹی کی جستجو میں تاریخی سنگِ میل ہے۔ انہوں نے مزید کہا کہ یہ قدم بھارت کو ’میک ان انڈیا‘ اور ’میک فار دی ورلڈ‘ کی سمت میں ایک نئے باب کی طرف لے جائے گا۔ مودی نے بھارت اور جاپان کے درمیان دوستی کو اس منصوبے کے ذریعے مزید مضبوط قرار دیا۔
