مودی کی مہمان نوازی پر فدا، امریکی بچے کا دل بھارت پر آ گیا
جے ڈی وینس، جو امریکہ کے نائب صدر ہیں، ان دنوں اپنے خاندان کے ساتھ چار روزہ دورے پر بھارت میں موجود ہیں۔ اس دوران انہوں نے وزیراعظم نریندر مودی کی پرتپاک مہمان نوازی پر شکریہ ادا کیا۔ وینس نے کہا کہ ان کے تینوں بچوں کو بھارت اور خاص طور پر وزیراعظم مودی سے خاص لگاؤ پیدا ہو گیا ہے۔
جے پور کے راجستھان انٹرنیشنل سینٹر میں بھارت-امریکہ تعلقات پر ایک پروگرام کے دوران جے ڈی وینس نے ایک خوشگوار لمحہ شیئر کیا۔ انہوں نے بتایا کہ ان کے سات سالہ بیٹے ایوان نے کہا: ’’ابو! میرا دل کہتا ہے کہ میں بھارت میں رہ سکتا ہوں۔‘‘
وینس نے اس موقع پر بتایا کہ ان کا خاندان بھارتی ثقافت، روایات اور عوامی محبت سے بے حد متاثر ہوا ہے۔ وزیراعظم مودی نے ان کے اعزاز میں خاص عشائیہ رکھا جس میں بچوں کے لیے بھی دلچسپ پکوان پیش کیے گئے۔
وینس کا کہنا تھا کہ یہ دورہ نہ صرف سرکاری سطح پر بلکہ خاندانی طور پر بھی ایک یادگار تجربہ رہا۔ انہوں نے دونوں ممالک کے درمیان دوستانہ تعلقات کو مزید مضبوط بنانے کی خواہش کا اظہار کیا۔
